2016年3月31日 星期四

收藏幣的保養

2012年12月8日寫:

以前已段段續續提過金銀幣的保養, 所以叫人一定要睇完成個[投資金銀手冊]先好落場買幣, 唔係買錯幣就可能會有損失 ! 因為收藏幣的價值在保養得愈新和愈好的幣會愈值錢 ! 殘幣會難賣出或只可以收回純金銀的價錢, 就係拿去溶金(銀)行溶咗佢 !

收藏金幣

買入的金幣, 有硬膠盒的, 只要加多個玻璃袋仔保護個膠盒就可以啦, 而有軟膠包住的金幣, 就要保護個軟膠唔好變污, 變色彧破損 ! 所以唔好俾個膠曬太陽或有重物壓在上面, 所以本人會把呢種金幣放入金飾盒仔(先取出棉墊, 就可以多位放幣)才放入銀行保管箱 !
無任何野包住的金幣, 就可以放入玻璃袋仔才放入金飾盒仔或自行買硬膠盒來裝住再加玻璃袋仔 !

收藏銀幣

銀幣比金幣難處理, 因為銀易和空氣發生化學變化, 易生白點、白霧或變黑 !
本人買銀幣返來, 第一時間會加硬膠盒, 如果隻幣無野包住的話, 還要用最靚的德國牌燈塔膠盒, 因為可以減少化學變化 ! 之後加個玻璃袋仔包實,才放入小茶罐(裝過茶的鐵罐)或餅仔罐仔才放入銀行保管箱 ! 因為有玻璃袋仔保護個硬膠盒,所以唔怕磨擦可以放滿個罐仔 !

見到好多幣友各拖各法, 去保護銀幣, 有人買防潮櫃, 但後來發現都還是會生白點, 也有人去買真空袋來處理銀幣, 不過有朋友警告會損個硬膠盒 !

如果你銀幣是放在屋企的, 最緊要保住室內濕度唔好高過70度, 而銀幣/銀條放入鐵罐好過放入儲物膠盒 ! 但就要小心小偷啦 !

如果你的銀幣不能保養得好, 咁不如買平價銀條啦, 為避免俾無謂的高溢價, 由佢變黑都可以賣回銀的價錢 !

註: 玻璃袋仔不同於密實膠袋, 因為密實膠袋時間耐咗易溶和個封口好易不覺意爆開, 所以俾唔到保護 !

有外盒附送的幣, 本人會幣盒分開, 而個外盒會用膠袋或大玻璃袋包好唔好染塵; 呢些吉盒放屋企就唔怕啦 !

評級幣本人就唔會買, 因為好好的有廠硬膠盒幣俾人取出入評級盒, 一難收藏因為面積大咗, 二變咗無硬膠盒的保護 ! 其實是由廠有硬膠盒買入, 不須平級, 除非是在 ebay 買, 想分真偽 !


如果想在罐中加吸濕, 用日本竹炭好過用防潮珠, 因為防潮珠一唔記得換, 可能反而吸水到滿瀉有反效果 !

18 則留言:

阿man 提到...

那麼這種是不是玻璃袋嗎?

http://img01.taobaocdn.com/imgextra/i1/387309733/T2B4NEXeFbXXXXXXXX_!!387309733.jpg

Lisa 提到...

回阿man,
係呀 !
東洋有好多 sizes, 可以自己去揀 :)

阿man 提到...

謝謝lisa,因為住在海邊,衣櫃長開防潮暖管,還是有三個幣有一白點,原來要加防潮珠,再包玻璃袋,再開暖管,再加吸濕盒

Lisa 提到...

回阿man,
唔好把貴重野放衣櫃啦, 因為賊人第一時間會翻轉你衣櫃 !
先把幣加硬膠盒入玻璃袋包實才放鐵罐都可以啦 ! 衣櫃通風對幣唔多好的, 因為防潮櫃都唔係好得 !

阿man 提到...

謝謝!~

阿man 提到...

果然!白點沒有再出現了!現在我放入防潮珠,再包玻璃袋,再加竹炭吸濕盒.

Unknown 提到...

我想問如果只係放係原廠個盒有咩唔好呢?因為新手,近來買既都係perth出既紀念銀幣.但屋企唔多地方收藏.另我唔太明咩叫玻璃袋仔?香港邊到有買呢?

Lisa 提到...

回Zero Law,

無說過原廠盒唔好, 不過唔加其他保護銀幣會出白點或白霧 !

玻璃袋 :
http://investtalk-lisa.blogspot.hk/2011/11/blog-post_7853.html

- 提到...

評級盒保護唔到嗎?

暫時所見加拿大幣最易奶野,加左盒都有白點

Lisa 提到...

回Ansel Leung,

評級盒保唔到銀幣氧化, 又阻地方, 最好加圓膠盒或用原廠膠盒, 再加玻璃袋封密, 之後放鐵罐防潮濕 !
我的加拿大銀幣都全安好, 沒有白點 !

simon740@ymail.com 提到...

做得最錯一樣野,就係放係銀行保管箱!
香港兩間銀行試過同你扔左或失踪!

Lisa 提到...

我估銀行出事的機會少過俾人爆竊的機會, 你懂得 ;)

姚天娜 提到...

買有原廠膠套既楓銀應點樣保養?就咁放落玻璃袋度定係要另外買膠盒 ?

Lisa 提到...

有套楓葉銀幣唔好整爛個套, 因為中銀唔會收 !
俾我就會用玻璃袋裝住為保護D膠套, 才放入鐵罐唔好俾硬野壓住 !

Lisa 提到...

所以我唔買有套楓葉銀幣, 因為勁難收藏 !

姚天娜 提到...

多謝解答。我就會兩種都買晒😂😂

駱頌天 提到...

想問銀幣(英國/澳洲)放保險箱會唔會起白點? 定都要都搵個茶罐仔好啲?

Lisa 提到...

加玻璃袋放入茶罐, 以防萬一 ! 銀行本身有冷氣和抽濕機, 不過在weekend 唔知會否關掉 !
還要睇銀行保管箱是否在潮濕地區, 因為我有銀幣只用capsules和玻璃袋裝住都無事, 因為附近唔潮濕 !
在近海或填海地區就要小心啦 !