2015年1月27日 星期二

金融大鱷賺錢法與大眾自保法

1. 樓市

大鱷炒高樓價後使利率大升刺爆樓市泡沫, 低價買高價出貨, 而大眾多數只會高追接高價貨, 之後無能力供款破產收場 !
大鱷還可以用衍生工具來生財, 如發行資貸債券 !

自保法:
買樓最好唔借錢, 要借都須預足夠的後備金來填數 !

2. 股市

大鱷低位收集股票, 炒高出貨, 還利用期貨期權賺錢, 而大眾只會高追接火捧或出一隻又入兩隻, 揸實股票睇住個市升又睇住個市跌, 或嚇破膽在低位出貨 !

自保法:
唔好同股票有感情, 唔好日日想買股票賺錢, 唔好借錢買只用閒錢, 須跟大鱷步驟, 低買高出, 就係乘股災買入(在人人都訴苦蝕咗幾多幾多時), 在股市高位(在人人都在數自己賺咗幾多幾多時)出貨 !

3. 匯市

大鱷推高某國家貨幣又推低某國家貨幣合用衍生工具去賺錢, 多數同國家銀行對著玩角力 !

自保法:
只買有實際生產力國家的貨幣, 如澳元, 因為澳洲有礦業, 不過暫時金屬俾大鱷玩下行, 所以澳元也要跌; 如加元, 因為有油田、水源、森林業, 不過又俾大鱷玩油價下行, 所以暫時要跌; 如新加坡元, 因為新加坡是外資避風港之一, 又出油產品, 依家又搞金銀業, 不過美元暫時是升, 所以乜都跌; 如人民幣, 因為中國是世界最多資金的國家 !

4. 商品

大鱷在商品市場(油、金、銀、鐵、糖、棉花、加啡、小麥等等)乘風破浪賺錢, 不過普通小散戶不會參與呢個市場的, 除咗實金實銀 !
又來到為何要買實金實銀的問題, 而唔只買會生產流動資金的樓(租金), 股(股息), 人民幣/外幣(利息) ?
本人都在網上見到有人只買樓, 有人只買股票, 有人只買實金實銀的 !
只買樓, 就算你full pay, 都要有現金在手也唔可以無止境的去買; 只買股票, 上面已寫股市的波動, 在捱跌市時, 你會好難過的; 只買實金實銀, 當然是無現金流啦, 所以本人主張是分散投資, 而分散的投資也會有些跑得快, 有些跑得慢的, 但不用俾人一次過 knock out !
認為只須買入有現金流的人只 suppose 呢個世界一路和平繁榮至永遠, 沒預到匯市中的風險, 貨幣可以 reset, 到時如果貨幣須跟黃金掛鈎, 好多貨幣會貶值到你唔信 ! 好多人都睇唔到呢樣, 也睇唔到好多國家在加黃金儲備, 為乜野呢, 你估 ? 手持美元 ? 到美元是跌得最多個時, 世上就剩返實金實銀 !

自保法:
只買實金實銀, 只用閒錢不借錢, 因為大鱷在金銀市中用衍生工具炒上炒落, 試圖把你地的貨震出來, 而買實貨是分段買, 最好 buy on dip, 每次跌就出去買幾枚, 而點解要買實貨放銀行保管箱? 因為除非大鱷去銀行爆你箱, 佢地好難震你出來 !

6 則留言:

Kitty 提到...

Lisa 姐 ,非常同意你既主張 唔好借錢投資。 好多人成日話息低唔借就笨, 簡單會計原理 負責大過資產, 息平借乜都死。 連第一筆投資都唔係好好學儲蓄就學人講買股買樓 係最無知

Lisa 提到...

係呀 Kitty,

有D人以為借錢可以快D變富, 其實承受好大的風險, 遇升市可以加大營利, 不過遇跌市也加大輸錢的銀碼 !

嘉芙蓮 提到...

nowadays, nothing u can invest

Lisa 提到...

嘉芙蓮,

唔投資都一樣會有風險, 因為持港元就等於持美元, 所以盡量把資產放在最少衝擊的投資上, 睇下大鱷今年點玩 !

塘人 提到...

樓方面, 有D業主供剩到咁上下又突然唔掂時加按又加唔到, 等被銀行收屋, 食盡之前以生命所換取的供款, 再平賣俾自己友/投資者:(

Lisa 提到...

當年有人同我拗買樓, 拗到面紅面綠, 今日有人同我拗買黃金, 拗到好 high; 唔緊要, 因為 The time will come !